قوووووهـــ ...
صباح الخير ...
حبيت اكتب عن يوم قدمت اوراقي لجامعه الكويت وقبولي بكليه العلوم الرياضيه والطبيعيه ...
وانا ما ابيها بس بقعد فيها جم كورس واحول كليه الهندسه بأذن الله ...
يوم الخميس تاريخ 5/ 8 / 2010 سجلت جدولي ...
دخلت لقاعه التسجيل بالشويخ ...
ودخلت على المرا الي تسجل ...
جان اقول : السلام عليكم
قالت : وعليكم السلام الرحمه
عطيتها اوراقي وافتحت السستم عشان اتسجلني ... وقلت لها ترا انا ابي احول هندسه وابي مواد مشتركه
قالت لي : اول كورس راح تاخذين تمهيدي رياضيت وانجليزي
قلت : اوووك
وبعدين قالت : لي منو تبين من الدكاتره والدكتورات
انا تخرعت @@ ما ادري منووو اختار قالت اسامي اجانب وهنود
وكويتين رياجيل وحريم ...
عاد قلت لها : ابي حريم احسن
وسجلت وعطتني جدولي وطلعت لابوي وانا اضحك ومستانسه :)
لاني صرت طالبه في جامعه الكويت ... حسيت اني صرت كبيره هههههه
5 التعليقات:
عالبركة و بالتوفيق إنشاء الله ، لكن سيمعي نصيحتي و تيعبي على الدكتور الزين ، ترى الدكتور بيدا احببج بالمادة أو اكرهج فيها ، و بيدا بعد اخليها سهلة أو اعقدها
على العموم بداية دراسية موفقة
تحياتي
جان سالتي القوائم عن الدكاتره وعن نفسي وبعد 4 سنين افضل الرياييل احسن من الحريم ..
وموفقه يارب..
الجاحظ :)
الله يبارك بعمرك ...
صح كلامك وان شاء الله اختياراتي للدكتاتره تكون موفقه ...
تسلم ويعطيك العافيه ع التعليق
حياك الله :)
رورو الشخبوطه :)
يا هلا ~
اي صح انا غلطت اني ما سألت احد
والكل يمدحون الدكاتره عن الدكتورات
الله يسهلها ~
اجمعين حبيبتي
حياج الله :*
عيدج مبارك
وتقبل الله طاعتج
إرسال تعليق