الثلاثاء، 23 نوفمبر، 2010

هذا الازرق يلا حيوووه :**



هذا الازرق يلاااااا حيووه هذا الازرق حبيبي :**
فدييييييت المنتخب والله :)
مبروووك فوزنا ... الحمد لله والشكر ع الفووز
والله اعيالنا ما قصرووو والله يعطيهم العافيه ~
نبي الفوووز في المباراة الجايه الله يوووفقهم يااارب ~
ويااارب ترد امجاااادهم :)
نبيها عشره يا الازرق

الجمعة، 19 نوفمبر، 2010

انا مشاركة في حملة رشاقتي سر اناقتي :)





نحو الرشاقة و الاناقة و اختبار قوة التحدي لدي انضم انا فجر

الى صديقاتي المدونات الغاليات (( سأشرق & قلب طفله )) في ..

~ قروب رشاقتي سر اناقتي ~

و من باجر ان شاء الله راح ابدي اكتب يومياتي مع الرجيم

في طريقي الى الوزن المثالي و الرشاقة :)




و الله ولي التوفيق عسى الله يثبتنا و يقوي ارادتنا ^_^













الثلاثاء، 16 نوفمبر، 2010

happy eid ؛)



كـــل عامــ وانتوا بألف خير :प


عيدكم مبـــارك :**














الأحد، 3 أكتوبر، 2010

دوام اول اسبوع بالجامعه + ذكريات مدرسيه

مر اسبوع كامل من الدوام في الحرم الجامعي ...
اسبوع مليء بالاسئله عن القاعات والدكاتره والبوابات ...
اول يوم دوام تاريخ 26سبتمبر ...

طبعا اول يووم بالخالديه زحمه مو طبيعيه ابوي وداني الله يخليه لي ...
وخليته ينزل معاي الكليه ووصلني لي باب القاعه بعد :p
الصراحه الصراحه كنت خايفه حدي :#

اول اسبوع دكتوره الانجلش ما داومت ولا يوووووم
يعني بس اداوم عشان تمهيدي الرياضيات

ويوم الاثنين تاريخ 27سبتمبر تجمعت انا ورفيجاتي ورحنا اخذنا
هويه الجامعه وبعدها رحنا كافتيريا الهندسه
سولفنا وضحكنا وردينا ذكريات المدرسه ...
نتذكر سوالفنا بالطابور والخمس دقايق بين الحصص نتذكر فصلتنا
بالايام المفتووحه والغياب الجماعي للصف كله
كل شي تذكرناه تقريبا ما خلينا شي ما تكلمنا عنه ...
كلهم كانوا مستانسين انهم افتكوا من المدرسه الا انا قاعده واقوول
يا زين المدرسه احس اريح واهم ودهم يذبحووني

انطباعي عن اول اسبوع كان حلووو نوعا ما :p

الأحد، 22 أغسطس، 2010

قبولي بجامعة الكويت ؛ )




قوووووهـــ ...
صباح الخير ...

حبيت اكتب عن يوم قدمت اوراقي لجامعه الكويت وقبولي بكليه العلوم الرياضيه والطبيعيه ...
وانا ما ابيها بس بقعد فيها جم كورس واحول كليه الهندسه بأذن الله ...
والمواد الي راح اخذها بالكليه هذي تنحسب بعد بالهندسه ...
يوم الخميس تاريخ 5/ 8 / 2010 سجلت جدولي ...

دخلت لقاعه التسجيل بالشويخ ...
ودخلت على المرا الي تسجل ...
جان اقول : السلام عليكم
قالت : وعليكم السلام الرحمه
عطيتها اوراقي وافتحت السستم عشان اتسجلني ... وقلت لها ترا انا ابي احول هندسه وابي مواد مشتركه
قالت لي : اول كورس راح تاخذين تمهيدي رياضيت وانجليزي
قلت : اوووك
وبعدين قالت : لي منو تبين من الدكاتره والدكتورات
انا تخرعت @@ ما ادري منووو اختار قالت اسامي اجانب وهنود
وكويتين رياجيل وحريم ...
عاد قلت لها : ابي حريم احسن
وسجلت وعطتني جدولي وطلعت لابوي وانا اضحك ومستانسه :)
لاني صرت طالبه في جامعه الكويت ... حسيت اني صرت كبيره هههههه


همسه : حلو الشخص يعتمد على نفسه ويحس انه كبر :p


الأحد، 15 أغسطس، 2010

مباركــ عليكم الشهر ؛ )


رمضان جانا وفرحنا به
بعد غيابه وبقاله زمان
صباح الخير ...
الحمد لله رب العالمين ان لحقنا على رمضان هذا وطول بعمرنا عشان نتعبد فيه ...
والله يجعلنا من صيامه وقوامه ياااااارب ...
(( كل عام وانتو بخير , ومبارك عليكم الشهر ))



الجمعة، 16 يوليو، 2010

تخرجنا و رفعنا الرأس و حمدنا الواحد المنان ~~


يوم الاربعاء 30 / 6 / 2010 يوم مشهود في حياتي ॥

لن أنساه ماحييت ॥أتعلمون لماذا ॥؟?

{ لأنه يوم تخرجي }

مشاعر متضاربه ॥!!!ترجمتها الدموع ॥!!!

لاأعلم هل هي فرح بتخرجي وإكمالي المسيرة

العلمية بعد كل هذا التعب ॥؟؟أم لأني سـ أفترق مع رفيقات دربي

وحبيبات قلبي اللاتي أعجز والله عن صياغة مشاعري لهن ॥؟؟

تتبعثر مشاعري ॥ وأعجز عن وصف هذا اليوم ॥

بالرغم من بساطة الحفل ॥ إلا أن مشاعرنا كانت كافية لإظهاره

بأجمل حلة ॥اختلطت دموع وتبادلنا فيه التذكارات الكثيرة ॥

التي حتى بدونها ستبقى ذكرى هذا اليوم محفورة في الذاكرة ॥

سأفتقد ذلك الجو كثيرا

سأفتقد كل شي ॥ جميلا كان أم سيئا بالنسبة لنا ..

كل ذلك سيصبح مجرد ذكرى ॥ وأجمل ذكرى ॥أتصدقون ॥!

!لم يعد لحروفي معنى أمام المعاني العظيمة التي تعلمتها اليوم ॥

~ ففي الدنيا تلاقينا وفي الأخرى لنا الامل بجنات ورياض بها الأنهار والحلل ~














 
Copyright 2010 إشــراقــة فــجــر. Powered by Blogger
Blogger Templates created by DeluxeTemplates.net
Wordpress by Wpthemescreator
Blogger Showcase